இதய தமனிகள் (கரோனரி நாளங்கள்) இதய தமனிகள் பிளேக் அடைப்பு காரணமாக சுருக்கமடைந்து இதயத்திற்கு தேவையான இரத்தம் தடைப்படுதல். இதன் நிமித்தம் ஏற்படும் மாரடைப்புக்கள் தான் இன்று அதிகமாக நடக்கின்றது. இதற்கு கொழுப்பும் ஒரு காரணியே தவிர, முழுக்க முழுக்க அதுதான் காரணம் கிடையாது.
பிளேக்(Plaque) என்பது: பல காரணிகளினால் ஏற்படும் ஒரு படிவு உயிருள்ள பாக்டீரியாக்கள், இறந்த செல்கள் மற்றும் மீதமுள்ள கால்சியம் (எலும்புகரைதல்) சுண்ணாம்பு, கொழுப்பு, அழுக்கு மற்றும் உப்பு படிகங்கள், கெட்டிப்பட்டு திரைந்த புரதங்கள், கார்போஹைட்ரேட்டுகள், பாஸ்பேட்
மற்றும் பல நுண்ணுயிரிகளை கொண்டுள்ள சிக்கலான அடுக்குகளால் கட்டமைக்கப்பட்ட ஒரு ஒட்டும் பசையிலானொரு வெண்மையான பூச்சு. இதை இன்னும் சுருக்கமாக சொன்னால் கெத்தில், நீர் கொதிகலனின் படியும் ஒரு சுண்ணாம்பு சாந்துக்கு ஒப்பானது.
இது நபருக்கு நபர் மாறுபட்ட கட்டுமான பொருள்களை கொண்ட அடுக்கு படிவுகளாக இருக்கலாம் எடுத்துக்காட்டாக ஒரு சிலருக்கு சுண்ணாம்பு படிவுகளாக இருக்கலாம் மற்றும் சிலருக்கு கொழுப்பு, இறந்த திசுக்கள் அல்லது உயிருள்ள பாக்டீரியாக்களின் அடைப்பாக கூட இருக்கலாம்.
இது நீண்டகாலமாக ஒருவரின் இதய தமனியில் பிளேக் தேக்கமடைந்து இறுகிப்போன படிவாக இருந்தால் அதை மாத்திரைகள் கொண்டு உடைப்பது கடினம். மிகவும் நெருக்கமான ஒரு உதாரணம் சொல்வதாயின் கிட்டத்தட்ட பல் ஈறுகளில் படியும் சுண்ணாம்பு படிவுகள் போலத்தான் இதய தமனிகளிலும் பிளேக் படிகின்றது.
அதற்காக செய்யப்படும் சிகிச்சையானது, இறுகி சுருக்கமடைந்த தமனியை விரிய வைக்கும் “ஸ்டென்ட்“ பொருத்தும் சிகிச்சை கூட கடினமானதாக இருக்கும் அளவிற்கு இறுகிப்போன ஒரு சுண்ணாம்பு படிவாக இந்த பிளேக் இருக்கும். இது திடீரென்று ஏற்படுவது கிடையாது நீண்டகாலமாக கொஞ்சம் கொஞ்சமாக சேருகின்ற ஒரு படிவு இதை முன்கூட்டியே அவதானித்து சிகிச்சை அளிக்க முடியும்.
பெருந்தமனி தடிப்பு: ஒருவர் ஆரோக்கியமாக வாழும் காலத்தில் சிவப்பு இரத்த அணுக்கள், வெள்ளை இரத்த அணுக்கள் மற்றும் பிற பொருட்கள் ஊட்டசத்து, நுண்ணுயிரிகள் கொழுப்புகளை சுமந்து தங்கு தடையின்றி இரத்தம் இதயம் உட்பட உடல் முழுவதும் பாய்கின்றது.
ஆரோக்கியமான நபருக்கு, தமனி சுவர்கள் மென்மையாகவும் சீரான தடிமனாகவும் சுருங்கி விரியும் தன்மை உள்ளதாகவும் இருக்கும். இது காலப்போக்கில், தொப்பை, உடற்பருமன் மற்றும் முதிர்வயது காரணமாக அதிக அளவு கொலஸ்ட்ரால், பிளேக் எனப்படும் அடைப்பை உருவாக்க வழிவகுக்கும்.
கொலஸ்ட்ரால் (கொழுப்பை) விட ஆபத்தானது இந்த சுண்ணாம்பு பிளேக், கொழுப்பு ஏதாவது ஒரு காலகட்டத்தில் கரைந்து போகும் இந்த பிளேக் அவ்வளவு சீக்கிரத்தில் கரைந்து போகாது.
இதய தமனிகளில் பிளேக் கட்டமைக்கப்படுவதால் கடினமாகி, தமனி குறுகலாகவும் நெகிழ்வுத்தன்மை குறைவாகவும் இருக்கும், இதை மருத்துவத்தில் அதிரோஸ்கிளிரோசிஸ் எனப்படும் நிலை அதாவது பெருந்தமனி தடிப்பு என்று அழைக்கப்படுகின்றது.
கரோனரி தமனிகளில் பெருந்தமனி தடித்து அழற்சி அது சுருங்கி விரியும் தன்மையை இழந்து போதல் இதை கரோனரி தமனி நோய், சுருக்கமாக மருத்துவத்தில் CHD( Coronary Heart Disease) என்று அழைக்கப்படுகின்றது.
இதன் நிமித்தம் இரத்த ஓட்டம் கடுமையாக குறுக்கிடப்பட்டு மாரடைப்பு (MI) ஏற்படலாம். கரோனரி தமனி 70 சதவீதத்திற்கு மேல் அடைக்கப்பட்டால், மாரடைப்பு ஏற்படும் அபாயம் அதிகம். பிளேக் கரோனரி தமனியை முற்றிலுமாகத் தடுத்திருந்தால், ஆபத்து 100 சதவீதத்திற்கு அருகில் இருக்கின்றதை அறிவுறுத்துகின்றது.
இந்த காலகட்டத்தில் இரத்த ஓட்டம் தடைப்பட்டு, இரத்த சிவப்பணுக்கள், குருதிசிறுதட்டுக்கள் ஓரிடத்தில் குவிந்து இரத்த உறைவு உருவாவதன் மூலம் CHD, MI இன் அபாயத்தையும் அதிகரிக்கலாம். (MI என்பது சுருக்கமாக மருத்துவத்தில் மாரடைப்பு ஆபத்தை குறிக்கும் ஒரு குறியீடு)
பெரும்பாலும், பிளேக் உருவான இடத்தில் ஒரு விரிசல் தோன்றும். இது நிகழும்போது, அந்த இடத்தில் இரத்தம் தடிமன் அடைந்து இரத்தம் உறைதல் அல்லது த்ரோம்பஸ் எனப்படும் இரத்த கட்டி இரத்த உறைவு அதனை தொடர்ந்து ஒரு நெரிசல் உருவாகலாம், இது இரத்த ஓட்டத்தை முற்றிலுமாக நிறுத்தும் அளவுக்கு பெரியதாகிவிடும்.
இதய தமனி சேதத்தின் அளவு, அடைப்பு எவ்வளவு கடுமையானது, அது எங்கு ஏற்பட்டது அதனுடைய நிலைப்பாட்டை புரிந்து மாரடைப்புக்கு எவ்வளவு விரைவாக சிகிச்சையளிக்கப்பட்டது என்பதைப் பொறுத்து ஒரு நோயாளி காப்பாற்றப்படுகின்றார்.
அதிர்ஷ்டவசமாக, பெருந்தமனி தடிப்புத் தோல் அழற்சியைத் தடுக்கவும் மாரடைப்பு அபாயத்தைக் குறைக்கவும் இரத்தம் தடிமன் அடைவதை தடுக்கவும் பல வழிகள் உள்ளன ஒரு மருத்துவரின் பரிந்துரையின் பேரில் நீங்கள் அதை பயன்படுத்தலாம்.
மன்னிக்கவும், எங்கள் மருத்துவமனையில் நல்ல வசதிகள் இல்லை என்று சொல்வது 60 களில் சொன்னால் ஏற்றுக்கொள்ளக்கூடிய ஒன்று, இந்த 22ம் நூற்றான்டில் சொன்னால் அதை முற்றிலுமாக ஏற்றுக்கொள்ளமுடியாது.
ஒரு இணையதள வசதியே உங்கள் கிராமத்து மருத்துவமனையை நகரத்திலுள்ள மருத்துவமனைக்கு இணையாக மாற்றியமைத்து தரும் அவ்வளவு வசதிகளை இணையதளம் உங்களுக்கு வழங்குகின்றது.
வீட்டில் இருந்தபடியே உங்களுக்கு மருத்துவ ஆலோசனை வழங்கும் பல மருத்துவ இணையதளங்கள் உள்ளது, தேவைப்பட்டால் அமெரிக்கா மருத்துவமனைகள் கூட உங்களுக்கு ஆலோசனை வழங்க தயாராக இருக்கின்றார்கள்.
இத்துடன் கைக்கு அடக்கமான, எடுத்துச்செல்லவசதியாக பல மருத்துவ உபகரணங்கள், அதுவும் உங்களால் வாங்கும் அளவிற்கு குறைந்த விலையில் மருத்துவசந்தையில் கொட்டிக்கிடக்கின்றது வாங்கி பயன்படுத்துங்கள்.
உதாரணத்திற்கு ஒன்று இரண்டு நவீன மருத்துவ சாதனங்களை படத்துடன் சொல்கின்றேன்.
1)அல்ட்ராசவுண்ட் ஸ்கேன், வயர்லெஸ் ஸ்கேனர் உங்கள் மொபைல் போனில் சிறந்த அல்ட்ராசவுண்ட் நேரடி இமேஜிங்/படத்தை பார்க்க முடியும்.
2)எடுத்துச்செல்ல வசதியான கையடக்க மொபைல் தொழில்முறை EKG உபகரணங்கள். இதனுடன் முதலுதவி பெட்டி, மாரடைப்பு முதலுதவி(AED), இரத்த அழுத்த மானிட்டர்கள், விரல் ஒட்சிசன் மீட்டர்.இவைகளை பயன்படுத்தும் முறை, முடிவுகளுக்கான விளக்கம் பரிந்துரை அந்த நிறுவனங்களே உங்களுக்கு வழங்குகின்றது.
தானியங்கி வெளிப்புற டிஃபிபிரிலேட்டர்கள் (AED): இந்த சிறிய சாதனத்திலிருக்கும் ஒரு பொத்தானைத் தொட்டால் உடனடியாக வேலை செய்யும். இந்த சாதனத்தின் உதவியுடன், உடனடியாக மார்பு அழுத்தங்கள் இதயத் தடுப்பு உள்ளவர்களை வெற்றிகரமாக உயிர்ப்பிக்க முடியும்.
அவசர காலங்களில் உயிர் காக்கும் பயன்பாட்டிற்காக மைய புள்ளிகளில் அனைவருக்கும் கிடைக்கும்.
ஸ்மார்ட்போன் மாரடைப்பைக் கண்டறியும் சாதனம்: ஒரு ECG கேபிள் மற்றும் ஒரு செயலி மூலம், இதய நோயாளிகள் எதிர்காலத்தில் தங்கள் நிலையைச் சரிபார்த்துக் கொள்ள முடியும். அளவீடு விரைவாகவும். ஸ்டார்ட்-அப் சாதனம் உடனடியாக நடவடிக்கைக்கான பரிந்துரையையும் வழங்குகின்றது. நன்றி
மாரடைப்பு முதலுதவி
- உடனடியாக அவசர அழைப்பு.
- பாதிக்கப்பட்டவரை நிமிர்ந்த நிலையில் இருக்கவைப்பது.
- இறுக்கமில்லாமல் மேலாடையை தளர்த்தவும்.
- சுத்தமான காற்று கிடைக்கும்படி பார்க்கவும்.
- அவரை அமைதிப்படுத்துவது.
- அவரின் சுகாதார நிலை அறிதல்.
- பார்வையாளரில் யாராவது ஒரு அனுபவமுள்ளவர் இருந்தால் அவரை உதவிக்கு அழைப்பது.
கருத்துகள் இல்லை:
கருத்துரையிடுக