மகப்பேறின்மை: மழலை செல்வமா ..? சொத்து செல்வமா ..?.
நாங்கள் ஏன் இவ்வளவு வேகமாக ஓடுகின்றோம், எங்களை சுமக்கும் இந்த பூமி எதற்காக இவ்வளவு விரைவாக சுத்துகின்றது.
நேற்றுத்தான் தைப்பொங்கல் கொண்டாடினோம், திரும்பி பார்த்தால் ஆடிப்பிறப்பு வந்திடிச்சு. எங்களை இவ்வளவு வேகமாக ஓடவைப்பது எங்களை சுற்றியுள்ள பிரச்சனைகள்.
தினமும் ஒரு பிரச்சனை, அதை தீர்ப்பதற்காகத்தான் நாங்கள் இவ்வளவு வேகமாக ஓடுகின்றோம். பிரச்சனைகள் எங்களை ஓட்டுகின்றது அதில் நாங்கள் பயணம் செய்கின்றோம். அதில் ஒரு பிரச்சனை மற்றும் அதற்கான தீர்வும் குறித்து இந்த பதிவில் பேசுகின்றேன்.
மழலை பாக்கியம் இல்லாமை அல்லது கருத்தரித்தல் கோளாறுகள். இன்றைய வாழ்வியல் தந்த பரிசு, திருமணமாகியும் பல வருடங்கள் கடந்தும் மழலை பாக்கியம் இல்லாமல் வருந்தும் தம்பதியினர்கள் அதிகரித்துக்கொண்டே வருகின்றனர்கள்..
எங்களுடைய மருத்துவ சந்தையில் செயற்கை கருவூட்டலுக்கான வாய்ப்புகள் அதிகம். செயற்கை கருவூட்டல் மூலம் பிறந்த குழந்தைகளின் எண்ணிக்கை இப்போது 2 மில்லியனுக்கும் அதிகமானது என்று மதிப்பிடப்பட்டுள்ளது. 1996-2019 ஜெர்மனியில் சோதனைக் குழாய் கருத்தரித்தல் (IVF)
மற்றும் ICSI க்குப் பிறகு சுமார் ஒரு லட்சத்து அறுபதினாயிரம் (160000) அதிகமான குழந்தைகள் பிறந்துள்ளன என்று மருத்துவ ஆய்வறிக்கைகள் சொல்லுகின்றது. கடந்த வருடங்களில் பிறந்த குழந்தைகளிலும் சுமார் 2-3 விழுக்காடுகளுக்கு மேல் செயற்கை கருவூட்டலுக்குப் பிறகு பிறந்திருக்கின்றது என்று மற்றுமொரு ஆய்வு சொல்கின்றது.
இயற்கையாக கருத்தரிப்பது என்பது சாத்தியம் இல்லாத ஒன்றாக வளர்ந்து கொண்டே போகின்றது அதற்கு காரணம் அவ்வளவு மோசமானதாக எங்களுடைய வாழ்வியல் இன்று இருக்கின்றது.
குழந்தை இல்லாத தம்பதியினருக்கான வாய்ப்புகள் என்ன, அது எதைப் பொறுத்தது, கருவுறுதல் கோளாறு உள்ள தம்பதிகளுக்கு சிகிச்சையின் போது கர்ப்பம் தரிப்பதற்கான வாய்ப்புகள் எவ்வளவு தூரம் சாத்தியப்படுகின்றது.
ஒரு சில தம்பதியினர்களுக்கு கருவுறுதல் பிரச்சனைகள் இருந்தபோதிலும், அவர்களின் விடாத முயற்சிகள், காலம் கடந்து இயல்பாக குழந்தை பெற்றுக்கொள்ளுகின்றனர். குழந்தை இல்லாத தம்பதிகளுக்கு செயற்கை கருவூட்டல் ஒரு சிறந்த வாய்ப்பாகும். விந்தணுக்கள் மற்றும் முட்டை செல்களை ஒன்றுக்கொன்று செல்லும் வழியில் மருத்துவர்கள் ஒரு இடைத்தரகர் போல் அதை ஆதரிக்கின்றனர்.
எந்த மருத்துவ உதவி, இனப்பெருக்க தொழில்நுட்பம் (ART) மிகவும் பொருத்தமானது என்பது தம்பதியினர்களின் தனிப்பட்ட சூழ்நிலையைப் பொறுத்தது அதற்கிசைய மருத்துவர்கள் வழிகாட்டுகின்றார்கள். செயற்கை கருவூட்டலின் முறைகள், வெற்றிக்கான வாய்ப்புகள் மற்றும் அபாயங்கள் பற்றி ஒரு கண்ணோட்டத்தை தொடர்ந்து வரும் பதிவில் பார்க்கப்போகின்றோம்.
செயற்கை கருத்தரித்தல்: இயற்கையாக குழந்தைகளை பெற முடியாத தம்பதிகளுக்கு, “இனப்பெருக்க மருத்துவர்கள்” தாயின் கரு முட்டை செல்கள் மற்றும் தந்தையின் உயிரணுக்கள் (விந்தணுக்கள்) ஆய்வகத்தில் செயற்கையாக சந்திக்க வைத்து, ஒன்றிணைக்க உதவுகின்றனர். எங்களுடைய பாணியில் சொன்னால் தேன்நிலவு, சாந்தி முகூர்த்த ஏற்பாடுகள் செய்து தரப்படுகின்றது.
குழந்தைகளைப் பெற விரும்பும் பெண்களுக்கு செயற்கை கருத்தரித்தலில் வெவ்வேறு நடைமுறைகள் மூலம் சிகிச்சையளிக்கப்படுகின்றது.
செயற்கை கருவூட்டலுக்கு பின்வரும் மூன்று முறைகள் தற்சமயம் கையாளப்படுகின்றது.
கருப்பை கரூவூட்டல்: தந்தையின் உயிரணுக்கள் பரிமாற்றம் அதாவது கருவூட்டல் (கருப்பை கருவூட்டல், (IUI ) என அழைக்கப்படுகின்றது) இது செயற்கை கருத்தரித்தல். ஒப்பீட்டளவில் எளிமையான ஒரு வடிவம் பல தம்பதியினர்களுக்கு இந்த வடிவம் பரிந்துரைக்கப்படுகின்றது. தந்தையின் உயிரணுக்கள் நேரடியாக தாயின் கருப்பைக்கு மாற்றப்படுகின்றன.
இன்-விட்ரோ கருத்தரித்தல் (IVF) : இன்-விட்ரோ என்றால் கண்ணாடி குழாயில் அதாவது, இந்த முறையால் கருத்தரித்தல் பெண்ணின் உடலில் நடைபெறாது, ஆனால் ஒரு சோதனைக் குழாயில் வெற்றிகரமாக கருத்தரித்த பின்னரே முட்டை செல்கள் கருப்பையில் செருகப்படுகின்றன.
இன்ட்ராசைட்டோபிளாஸ்மிக் உயிரணுக்கள்(விந்து) ஊசி (ICSI) : ICSI என்பது செயற்கை கருவூட்டலில் பொதுவாகப் பயன்படுத்தப்படும் ஒரு முறையாகும். இங்கே, ஒரு விந்தணு நேரடியாக முட்டை செல்லில் செலுத்தப்படுகின்றது. இந்த செயல்முறை நுண்ணோக்கியை பயன்படுத்தி மைக்ரோ ஊசி மூலம் உடலுக்கு வெளியே நடைபெறுகின்றது.
கரு உருவான பின்னர் தொடர்ந்து ஒரு மழலையாக வளர்வதற்காக ஒரு தாயின் கருவறைக்குள்ளே வைப்பது. ஒரு வாடைகை தாயாகக்கூட இருக்கலாம்.
இந்த மூன்று முறைகளும் தற்சமயம் பயன்பாட்டில் உள்ளது, மற்றும் பாதுகாப்பானதாகவும் கருதப்படுகின்றது, இருப்பினும் இந்த செயல்முறைகளுக்கும் பின்னால் சேவை, வாணிபம் மற்றும் மனித தவறுகள் முறைகேடுகள் நடப்பதற்கு நிறைய வாய்ப்புகள் அதிகம்.
குழந்தைகளைப் பெற விரும்பும் தம்பதியினர்களுக்கு சிகிச்சையின் வாய்ப்புகள் மற்றும் செயற்கை கருவூட்டலின் அபாயங்கள் மற்றும் அபாயங்கள் இல்லாமைக்கான வாய்ப்புகளும் உள்ளன.
முதலில், செயற்கை கருவூட்டலின் சாத்தியமான அபாயங்களைப் பற்றி கொஞ்சம் தெரிந்து கொள்ளுங்கள். ஏனெனில் உங்கள் முடிவில் இந்த அம்சங்களையும் நீங்கள் சேர்க்க வேண்டும்.
உங்கள் மருத்துவரிடம் பேசும் போது இந்த அபாயங்களையும் சேர்த்து மதிப்பிட்டு கொள்ளுங்கள் இது உங்கள் கேள்விகள் மற்றும் கவலைகளை தெளிவுபடுத்தவும் உதவும். மற்றும் அதற்கான தீர்வுகளும் சிகிச்சைகளும் கிடைப்பதற்கு வழிவகை செய்துதரும்.
ஹார்மோன் தூண்டுதலின் ஆபத்து IVF இல் அடிக்கடி நடைமுறைப்படுத்தப்படும் கருப்பையின் ஹார்மோன் தூண்டுதல் கருப்பையின் அதிவேகத்தன்மைக்கு வழிவகுக்கின்றது.
இது ஒரு சுழற்சியில் பல முட்டை செல்களை முதிர்ச்சியடையச் செய்கின்றது மற்றும் விரும்பத்தக்கதும். ஹார்மோன் தூண்டுதல் இல்லாமல் எந்தவொரு செயற்கை கருவூட்டலும் சாத்தியமற்றது.
அரிதான சந்தர்ப்பங்களில், கருப்பை பெரிதாகி, குமட்டல், வயிற்று வலி அல்லது வயிற்று சுற்றளவு அதிகரிப்பு ஏற்படலாம். குழந்தை பிறந்தும் மிக நீண்டகாலத்திற்கு கர்ப்பம் தரித்தவர்போல் வயிறு பெரியதாகவும் காணப்படுவீர்கள்.
இந்த பக்கவிளைவு மட்டும் செயற்க்கை கருவூட்டலில் பெரிதாக பார்க்கப்படுகின்றது. மற்றும் விரைவாக விரையமாகும் பணம். மழலை செல்வமா ..? சொத்து செல்வமா ..? நீங்கள்தான் முடிவு செய்ய வேண்டும்.
செயற்கை கருவூட்டலில் உள்ள ஆபத்துக்கள் மற்றும் ஊனமுள்ள குழந்தைகள் பற்றி பேசுகின்ற போது. டவுன் சிண்ட்ரோம் போன்ற பரம்பரை நோய்களை IVF தூண்டுமா என்பது பற்றி சமீபத்திய ஆண்டுகளில் அதிக விவாதம் உள்ளது. டவுன் சிண்ட்ரோம் என்பது குரோமோசோம் கோளாறு, ஒரு கூடுதல் குரோமோசோம் 21 மூலம் ஏற்படுகின்றது.
IVF செயற்கை கருவூட்டல், ஏஞ்சல்மேன் (டவுன் சிண்ட்ரோம்) போன்ற அரிய மன மற்றும் உடல் ஊனத்துடன் குழந்தைகள் பிறப்பதற்கான வாய்ப்புகள் அதிகம் என்று விஞ்ஞானிகள் சுட்டிக்காட்டினர்.
செயற்கை கருவூட்டல் மூலம் கருச்சிதைவு ஏற்படும் ஆபத்துக்கள் எவ்வளவு தூரம், அத்துனை கர்ப்பங்களிலும் சுமார் 8 முதல் 10 சதவீதம் கருச்சிதைவில் முடிவடைகின்றது. "இன் விட்ரோ கருத்தரித்தல்" ( IVF) மூலம் இந்த ஆபத்து 15 விழுக்காடுகள் வரை சற்று அதிகரிக்கப்படுகி்ன்றது என்பது பலருடைய விவாதம், சாதாரண கர்ப்பிணிப் பெண்களுடன் ஒப்பிடும்போது IVF கர்ப்பிணிப் பெண்களின் சராசரி வயது அதிகமாக இருப்பதும் இதற்கு ஒரு காரணம். அதாவது 45-54 வயதில் காலம் தவறிய கர்ப்பம்.
இயற்கை/செயற்கையாகவோ குழந்தை பெற விரும்பினால் 35 க்குள்ளே பெற்றுக்கொள்ளுங்கள்.அல்லது ஒரு வாடகை தாயை ஏற்பாடு செய்துகொள்ளுங்கள்.இது அறிவுசார் இயலாமை மற்றும் மாறுபட்ட முக அழகு, ஊனமுள்ள பிள்ளைகள் பிறப்பதை தடுக்க உதவும்.
உங்களுக்கான வாய்ப்புகள் 30-45 விழுக்காடுகள் இந்த வயதிற்குள்ளே நம்பிக்கையுடன் விடாது தொடர்ந்து பல முறை முயற்சி செய்யுங்கள் உங்களுக்கான வாய்ப்புகள் ஒரு நாள் கனிந்து வரும். ஐரோப்பாவில் ஒரு சிகிச்சை சுழற்சிக்கு (IVF சுழற்சி) சுமார் 2,800 முதல் 3,300 யூரோக்கள் வரை ஆகும். இதில் பயணம் போன்ற தனிப்பட்ட செலவுகளும் சேர்த்துக் கொள்ளவேண்டும்.
இது விந்தணுக்களிலிருந்து உயதர விந்தணுக்களை பிரிக்க அனுமதிக்கின்றது. கூடுதலாக, முடிந்தவரை கருத்தரிக்கக்கூடிய விந்தணுக்கள் வடிகட்டப்படுகின்றன. விந்தணு பின்னர் ஒரு சிரிஞ்ச் அல்லது மென்மையான வடிகுழாய் வழியாக பெண்ணின் கருப்பை, கருப்பை வாய் அல்லது ஃபலோபியன் குழாய்களில் நேரடியாக செலுத்தப்படுகின்றது.
செயற்கை கருவூட்டல் விட்ரோ கருத்தரித்தல் (IVF) சோதனைக் குழாயில் செயற்கை கருவூட்டல் செய்யப்படுகின்றது. இங்கே செயல்முறை இன்னும் கொஞ்சம் முயற்சி தேவைப்படுகின்றது. கருவுறும் திறன் கொண்ட முட்டை செல்கள் பெண்ணிடமிருந்து எடுக்கப்பட்டு, ஊட்டச்சத்துக் கரைசலில் விந்தணுக்களுடன் கருத்தரிக்கப்படுகின்றன.
பெண் போதுமான கருவுற்ற முட்டை செல்களை உற்பத்தி செய்ய, ஹார்மோன் சிகிச்சை பொதுவாக முன்கூட்டியே மேற்கொள்ளப்படுகின்றது.
இது கருப்பைகள் இயல்பை விட அதிக முட்டைகளை உற்பத்தி செய்ய தூண்டுகின்றது. மூன்று முட்டை செல்கள் மட்டுமே பொருத்தப்படலாம் என்று சட்ட ஒழுங்குமுறை கூறுகின்றது.
முட்டை உயிரணு மீட்டெடுப்பிற்கு, பெண் குறுகிய கால மயக்க மருந்துக்கு உட்படுத்தப்பட வேண்டும். "ஃபோலிக்கிள் பஞ்சர்" பின்னர் பொதுவாக யோனி வழியாக மேற்கொள்ளப்படுகின்றது. சிகிச்சை அளிக்கும் மகப்பேறு மருத்துவர்கள் யோனி ஆய்வு மூலம் நுண்ணறைகளை அடையாளம் கண்டு, அவற்றை நுண்ணிய ஊசி மூலம் அகற்றுவார்கள். (கரு முட்டைகளை எடுத்தல்)
அதன் பிறகு, லேசான வயிற்று வலி கூட ஏற்படலாம் கொடுக்கப்பட்ட மயக்க மருந்து வாந்தி, மூக்கில் அரிப்பு மற்றும் இரத்த ஓட்ட பிரச்சனைகளை ஏற்படுத்தும். நுண்ணறை அகற்றப்பட்ட பிறகு, விந்து மற்றும் முட்டை செல் செயற்கையாக கருவூட்டப்படுகின்றன.
இரண்டு முதல் ஆறு நாட்களுக்குப் பிறகு, வடிகுழாய் வழியாக அதிகபட்சம் மூன்று கருக்கள் செருகப்படுகின்றன. (இந்த இடத்தில்தான் பல கர்ப்பத்திற்கு வழியை திறந்துவிடுகின்றது)
(IVF) மூலம் கர்ப்பம் தரிக்கும் வாய்ப்பு 25 முதல் 45 சதவீதம் வரை இருக்கும். இது முதல் முறையாக அரிதாகவே வேலை செய்கின்றது. எனவே பல முறை முயற்சி செய்ய தயாராக இருங்கள். இன்று கருவுறுதல் சிகிச்சையில் கரு பரிமாற்றம் சுமார் 93% வெற்றிகரமாக இருந்தாலும்,
சராசரி கர்ப்பம் தரிக்கும் விகிதம் 33 சதவீதம் இருப்பினும், முடிவில் வெற்றிவாய்ப்பு பிறப்பு அல்லது குழந்தையை வீட்டிற்கு எடுத்துச் செல்லும் அதிர்ஷ்டம் 23% குறைவாகவே உள்ளது. நன்றி… மகேஷ்-ரவி.
கருத்துகள் இல்லை:
கருத்துரையிடுக