சர்க்கரை நோய்க்கு ஒற்றை மருத்துவம்: சர்க்கரை நோயை ஒற்றை மருந்தை கொண்டு குணப்படுத்தமுடியுமா? அதற்கு ஏதாவது சாத்தியங்கள் மருத்துவத்தில் இருக்கின்றதா,
சர்க்கரைநோய் ஒரு வளர்சிதை மாற்ற கோளாறு அதற்கு கணையம் மட்டும் பொறுப்பாளி கிடையாது, அது கல்லீரல் தொடங்கி, பெரும் குடல் வரைக்கும் அதனுடைய பாதிப்புக்கள் தொடர்கின்றது. முன்னவர்கள் சர்க்கரை நோய்யை நீரிழிவை வைத்துத்தான் அடையாளப்படுத்தினார்கள். அதாவது அடிக்கடி சிறுநீர் கழிப்பது, தாகம் எடுப்பது இதை வைத்துதான் ஒருவருக்கு சர்க்கரை நோய் இருப்பதை அன்று தீர்மானித்தார்கள்,
இன்று இதற்கான முழுமையான காரணம் கண்டறியப்பட்டது, ஒருவருடைய இரத்த சர்க்கரை உயர்வுதான், அடிக்கடி சிறுநீர் கழிப்பதற்கு ஒரு தூண்டுதலாக இருந்தது, அதற்கும் மேலான காரணிகள் இன்சுலின் குறைபாடு, இன்சுலின் எதிர்ப்பு, கொழுப்பு கல்லீரல், கணைய பாதிப்பு, பெரும்தீனி, உடல் பருமன், பரம்பரை-மரபணு ரீதியாக மற்றும் உடல் உழைப்பு இல்லாமை என்று சர்க்கரைநோய் காரணிகள் தொடர்கின்றது.
இன்சுலின் ஊசி எடுத்தும் சர்க்கரை நோய் கட்டுப்படாமல் இருப்பதற்கு இந்த தொடர் காரணிகள் காரணமாக இருக்கின்றது.
சர்க்கரை நோய்க்கு மிக முக்கியமான நோய்க்குறியாக இரத்த சர்க்கரை உயர்வுதான் எடுத்துக்கொள்ளப்படுகின்றது. தாகம் எடுப்பது அடிக்கடி சிறுநீர் கழிப்பதை யாரும் கணக்கில் கொள்வதில்லை.
அளவுக்கு அதிகமான சர்க்கரையை சிறுநீர் மூலம் வெளியேற்றுவதினால் சிறுநீர்க்கழிவு நல்லதொரு நோய்க்குறியாக இன்று பார்க்கப்படுகின்றது. அதற்கான சிறுநீர் பெருக்கி மருந்துகளும் சர்க்கரை நோய் மருத்துவத்தில் பயன்பாட்டில் இருக்கின்றது.
மில்லியன் கணக்கான சர்க்கரை நோயாளிகள் ஒரு நாளைக்கு பல முறை இன்சுலின் ஊசி போடுகிறார்கள். பல வருட பயன்பாட்டிற்குப் பிறகும் கூட இந்த சிகிச்சை சில நேரங்களில் போதாததாக இருக்கின்றது. சர்க்கரை நோயாளிகளின் ஆராய்ச்சிக்கான எடுப்புகள், ஆராய்ச்சியாளர்கள் உடலின் சொந்த இன்சுலின் உற்பத்தியை மீட்டெடுக்க விரும்புகிறார்கள்.
சிறுவர் சர்க்கரை நோய் (டைப் 1 சர்க்கரைநோய்) நோயாளிகள் சுய-உடல் தாக்குதலால் பாதிக்கப்படுகின்றனர் அதாவது தவறான நோயெதிர்ப்பு செல்கள் குறிப்பாக கணையத்தில் முக்கிய ஹார்மோனை இன்சுலினை உருவாக்குகின்ற பீட்டா செல்களை அழிக்கின்றன, இதனால் உடலின் சொந்த உற்பத்தி வறண்டு போவதினால், வாழ்நாள் முழுவதும் பிற மூலங்களிலிருந்து இன்சுலின் பெறுவதற்கு அவர்கள் தள்ளப்படுகின்றார்கள்.
வகை 1 சர்க்கரை நோயினால் பாதிக்கப்பட்டவர்கள் தற்போது மரபணு ரீதியாக வடிவமைக்கப்பட்ட இன்சுலினை எடுத்துக்கொள்கிறார்கள். இன்சுலின் மருத்துவம்தான் இன்று ஒற்றை மருத்துவமாக பார்க்கப்படுகின்றது.
இந்த இலக்கை வெவ்வேறு வழிகளில் அடையலாம். அவற்றில் ஒன்று கணைய மாற்று அறுவை சிகிச்சையாகும், பாதிக்கப்பட்டவர்கள் முழு உறுப்பையும் பொருத்தமான நன்கொடையாளரிடமிருந்து பெறுகிறார்கள் இது இன்சுலினை உற்பத்தி செய்கின்றது.
மற்றும் தனது எண்ணிக்கையை இழந்த கணைய பீட்டா தீவு செல்களை திரும்பவும் மீள் கட்டமைப்பு செய்ய முடியும், அதாவது இழந்த பீட்டா செல்களை நாற்று நடுவதின் மூலம் திரும்பவும் அதன் எண்ணிக்கையை அதிகரிக்க செய்யமுடியும்.
இந்த இரண்டு முறைகளும் இன்றைய மருத்துவத்தில் சாத்தியமான ஒன்று, இருப்பினும் இவைகள் எல்லாம் ஒற்றை மருத்துவம் ஒற்றை மருந்துகிடையாது. இவைகளுக்குப்பின்னால் வலிகளும் வேதனைகளும் மருந்து மாத்திரைகள் என்று பெரும் செலவுகளும் இருக்கின்றது.
சர்க்கரை நோய்க்கு ஒற்றை மருந்து, ஒற்றை மருத்துவம் என்பது சாத்தியப்படாத ஒன்று, இருப்பினும் அடுத்த தலைமுறையினர்களுக்காக இந்த கேள்விக்கு முற்றுப்புள்ளி வைக்காமல் திறந்தே வைத்திருப்பதுதான் சரியானதாக இருக்கும்
குறுகிய இணைப்பு கொழுப்பு அமிலங்கள்: உயர் இரத்த அழுத்தம், சர்க்கரைநோய் மற்றும் அதிக கொழுப்பு போன்ற பிரச்சனைகள் கண்டறியப்பட்டால், அத்துனை அபாயகரமான பிரச்சனைகளும், அபாயகரமான விளைவுகளுடன் சில மக்கள் தங்கள் செரிமான குடலுக்கு ஏதாவது செய்ய வேண்டும் என்று நினைக்கிறார்கள்.
செரிமானத்தில் குடல்-வாழ்-நல்ல பாக்டீரியாக்களின் பங்களிப்பு என்பது ஈடு இணையில்லாதது, அதனுடைய இழப்பு என்பது பல நோய்களுக்கு அடித்தளமாக அமைகின்றது.
ஆனால் குடல்-வாழ்-நல்ல-பாக்டீரியாக்கள் சர்க்கரை நோய் மற்றும் உயர் இரத்த அழுத்தத்தை எவ்வாறு பாதிக்கின்றன,
முதலில், குறுகிய சங்கிலி கொழுப்பு அமிலங்களை பற்றி தெரிந்துகொண்டால்தான், இந்த குடல்-வாழ்-நல்ல பாக்டீரியாக்களின் சேவை, அவை நமக்காக என்ன செய்கின்றன என்பதை பற்றி கொஞ்சம் தெரிந்துகொள்ளமுடியும்
செரிமான குடல் உணவில் இருந்து நார்ச்சத்தை ஜீரணிக்கும் போது நமது குடல்-வாழ்-நல்ல பாக்டீரியாக்கள் மூலம் உற்பத்தி செய்யப்படும் சிறிய மூலக்கூறுகளான இந்த குறுகிய சங்கிலி கொழுப்பு அமிலங்கள் உயர் இரத்த அழுத்தத்தின் முன்னேற்றத்திற்கு எதிராக பாதுகாக்கும் அழற்சி எதிர்ப்பு நோயெதிர்ப்பு செல்களை உருவாக்க முடியும் என்று ஆய்வுகள் தெரிவிக்கின்றன.
உயர் இரத்த அழுத்தம், வளர்சிதை மாற்ற கோளாறு (சர்க்கரைநோய்) மற்றும் இதயநோய், புற்றுநோய்களை தீர்க்கும் இந்த குறுகிய இணைப்பை கொண்ட கொழுப்பு அமிலங்கள் பல நோய்களுக்கு அருமருந்தாகும்.
இயற்கையில் வேறு எங்கும் கிடைக்காத இந்த “புரோபனோயிக்” கொழுப்பு அமிலங்களை (C3 H6 O2) நமது குடல்-வாழ்-நல்ல பாக்டீரியாக்கள் செரிமானம் அடையாமல் பெரும் குடலுக்கு தள்ளிவிடப்படும் கார்போஹைட்ரேட், நார்ச்சத்திலிருந்து திரிக்கின்றது. இந்த அமிலம் மருத்துவ சந்தையில் மாத்திரை வடிவிலும் கிடைக்கின்றது.
இரத்த சர்க்கரை அளவுகளில் குடல் நுண்ணுயிரிகளின் விளைவுகள் வரும்போது, இரத்த சர்க்கரை அளவை பாதிக்கின்றன அதாவது இரத்த சர்க்கரையை சமநிலையில் வைத்திருக்க இந்த குறுகிய இணைப்பு கொழுப்பு அமிலங்கள் உதவுகின்றது.
ஆய்வின் படி, குடல் நுண்ணுயிரியை மாற்றுவது சர்க்கரை நோய், வளர்சிதை மாற்றக் கோளாறு உள்ளவர்களுக்கு இரத்த சர்க்கரை அளவை நிர்வகிப்பதற்கான ஒரு புதிய அணுகுமுறையை இதன் மூலம் வழங்க முடியும்.
குடல்-வாழ்-நல்ல நுண்ணுயிரிகளால் உற்பத்தி செய்யப்படும் ஒரு குறிப்பிட்ட மூலக்கூறுகள் கல்லீரல் குளுக்கோஸை இரத்தத்தில் வெளியிடுவதைக் கட்டுப்படுத்துகின்றது என்று ஆராய்ச்சியாளர்கள் கண்டறிந்துள்ளனர்.
இது இரத்தத்தில் குளுக்கோஸின் வெளியீட்டை மெதுவாக்கும், இரத்த சர்க்கரையின் அளவை சமப்படுத்த உதவுகின்றது. அதாவது மறுசுழற்சி சர்க்கரையை சமநிலையில் வைத்திருக்க உதவுகின்றது.
தாய்ப்பாலிலுள்ள, பால்சர்க்கரை அல்லது லாக்டோஸ் =(கேலக்டோஸ் + டி-குளுக்கோஸ்) C₁₂H₂₂O₁₁ இரண்டு மூலக்கூறுகள் கொண்ட சர்க்கரை குடல்-வாழ்-நல்ல-பாக்டீரியாக்களின் வளர்ச்சிக்கு மிகவும் முக்கியமானது. இதன் மூலம் இழந்த குடல்-வாழ்-நல்ல-பாக்டீரியாக்களை திரும்பவும் மீள் கட்டமைப்பு செய்ய முடியும், மேலும் பால்சர்க்கரை சிறுபிள்ளைகளின் செரிமான கோளாறு, மலச்சிக்கலை தணிக்கக்கூடியது.
கொலஸ்ட்ரால் மற்றும் இதய ஆரோக்கியத்தைப் பொறுத்தவரை, உங்கள் கொலஸ்ட்ரால் அளவுகள் மற்றும் இதய ஆரோக்கியம் தொடர்பான பிற காரணிகள் உங்கள் குடலில் உள்ள பாக்டீரியாவால் பாதிக்கப்படலாம் என்று ஆராய்ச்சியாளர்கள் குழு, சுமார் மூவாயிரம் பேரின் மல மாதிரிகளை ஆய்வு செய்ததாக ஹார்வர்ட் கட்டுரை தெரிவிக்கின்றது
மேலும் அவர்களின் நுண்ணுயிரியத்தில் ஒரு குறிப்பிட்ட வித்தியாசம் உள்ளவர்கள் அந்த வித்தியாசம் இல்லாதவர்களை விட 75 விழுக்காடுகள் குறைவான கொழுப்பை வெளியேற்றுவதைக் கண்டறிந்தனர். சாதகமான நுண்ணுயிரி உள்ளவர்கள் மற்ற பங்கேற்பாளர்களை விட குறைந்த இரத்த கொழுப்பின் அளவைக் கொண்டுள்ளனர். நுண்ணுயிரியை மாற்றுவது ஒரு விளைவை ஏற்படுத்துகின்றது என்று இந்த ஆய்வுகளின் முடிவுகள் மூலம் கண்டறிந்துள்ளார்கள்
சாராம்சம்: உயர் இரத்த அழுத்தம் உள்ளவர்கள் சாதாரண இரத்த அழுத்தம் உள்ளவர்களைக் காட்டிலும் மிக குறைவான குடல்-வாழ் நுண்ணுயிர்களை கொண்டுளனர், மாறுபட்ட குடல்-வாழ் நுண்ணுயிரிகள் நமது இதயத்தின் ஆரோக்கியத்திலும், இரத்த அழுத்தம் மற்றும் கொலஸ்ட்ரால் மாரடைப்பு பக்கவாதம் மற்றும் சர்க்கரை நோயினால் நாம் எளிதில் பாதிக்கப்படுவதில் முக்கிய பங்குவகிக்கின்றது.
சில நேரங்களில் இத்தகைய கொழுப்பு அமிலங்கள் கார்பாக்சிலிக் அமிலங்கள் என்றும் குறிப்பிடப்படுகின்றன (SCFAs) கார்பன் என்ற சொல்லை சுருக்கமாக கொண்டது.
அவற்றின் குறைந்த நிறை காரணமாக, குறுகிய சங்கிலி கொழுப்பு அமிலங்கள் அறை வெப்பநிலையில் திரவமாக மாறும் ஒரு விதியாக அவை மிகவும் தீவிரமான மற்றும் அடிக்கடி விரும்பத்தகாத வாசனையை வெளியிடுகின்றன .
ஜீரணிக்க முடியாத கார்போஹைட்ரேட்டுகளிலிருந்து குடலில் குறுகிய சங்கிலி கொழுப்பு அமிலங்கள் உருவாகின்றன . இயற்கையான மனித குடல்-வாழ்-நல்ல பாக்டீரியாக்கள் இந்த செயல்முறைக்கு காரணமாகின்றன . ஜீரணிக்க முடியாத கார்போஹைட்ரேட்டுகள், நார்ச்சத்துக்கள்.
எடுத்துக்காட்டாக: பருப்பு, கடலை வகைகள் மற்றும் பொன்னாங்கண்ணி கீரை, கரிசலாங்கண்ணி கீரை வல்லாரை கீரை, பனங்கிழங்கு, வாழைப்பூ/தண்டு, தாமரை கிழங்கு போன்ற நார்ச்சத்து நிறைந்த உணவுகள்.
பொதுவாக குறுகிய இணைப்பை கொண்ட கொழுப்பு அமிலங்களை பாக்டீரியாக்கள் தான் உற்பத்தி செய்கின்றது. அவைகளினால் மட்டும்தான் இது சாத்தியமாகும்.
இயற்கையில் எத்தனை வகை குறுகிய சங்கிலி கொழுப்பு அமிலங்கள் உள்ளது: குறுகிய சங்கிலி கொழுப்பு அமிலங்களின் குழு முதன்மையாக ஆறு வெவ்வேறு SCFAகளை உள்ளடக்கியது: 1)பார்மிக் அமிலம், 2)அசிட்டிக் அமிலம், 3)புரோபியோனிக் அமிலம், 4)பியூட்ரிக் அமிலம், 5)வலேரிக் அமிலம் மற்றும் 6)கேப்ரோயிக் அமிலம். ஃபார்மிக் அமிலம் மிகக் குறுகிய கொழுப்பு அமிலங்களாகும் .
இது ஒரு கார்பன் அணுவை மட்டுமே கொண்டுள்ளது. கொழுப்பு அமிலம் பல எறும்புகளின் விஷ சுரப்பிகளிலும் இருப்பதால் அதன் வெளிப்படையான பெயரைக் கொண்டுள்ளது. மனிதர்களில் மறுபுறம், மெத்தனால் உடைக்கப்படும்போது ஃபார்மிக் அமிலம் முதன்மையாக வளர்சிதை மாற்றப் பொருளாக உற்பத்தி செய்யப்படுகின்றது.
அசிட்டிக் அமிலம் ஃபார்மிக் அமிலத்தை விட நீளமானது: இது இரண்டு கார்பன் அணுக்களைக் கொண்டுள்ளது. எத்தனோயிக் அமிலம் என்று வேதியியலாளர்களால் அறியப்படும், கொழுப்பு அமிலம் நிறமற்றது மற்றும் மிகவும் கடுமையான வாசனை - வினிகர் போன்றது. அத்தியாவசிய எண்ணெய்களின் ஒரு அங்கமாக, அசிட்டிக் அமிலம் முக்கியமாக தாவரங்களில் காணப்படுகின்றது. ஒட்சிசனேற்ற மூலமாகவும் ஆல்கஹால் அசிட்டிக் அமிலமாக மாறும்.
புரோபியோனிக் அமிலம்: அதன் அற்புதமான பெயரான "புரோபனோயிக் அமிலம்" கொழுப்பு அமிலம் இயற்கையாகவே அத்தியாவசிய எண்ணெயிலும் மற்றும் சில பாக்டீரியாக்களினாலும் உற்பத்தி செய்யப்படுகின்றது. உணவுத் தயாரிப்பில் முதன்மையாக எமெண்டல் சீஸ் தயாரிப்பில் புரோபனோயிக் அமிலத்தைப் பயன்படுத்துகின்றனர்.
குறிப்பாக இது எமெண்டல் சீஸ் உற்பத்தியில் முக்கியத்துவம் வாய்ந்தது, ஏனெனில் இது வழக்கமான துளைகளுக்கு பொறுப்பாகும், மேலும் அதன் உப்பு ப்ரோபியோனேட் வடிவத்தில், பாலாடைக்கட்டியின் சுவைக்கும் பொறுப்பாகும்.
மற்றும் உணவு தொழில்துறையில், புரோபியோனிக் அமிலம் உணவுப் பாதுகாப்பிற்காகவும் பயன்படுத்தப்படுகின்றது. உப்பு புரோபியோனேட் வடிவத்தில், இது ஒருபுறம் காரமான சுவையையும் மறுபுறம் சிறப்பியல்பு துளைகளையும் வழங்குகிறது.
சோடியம் ப்ரோபியோனேட், கால்சியம் ப்ரோபியோனேட் அல்லது பொட்டாசியம் ப்ரோபியோனேட் ஆகியவை பிற புரோபியோனேட் உப்புகள். குறிப்பாக சோடியம் ப்ரோபியோனேட் உணவு சப்ளிமெண்ட்ஸ் தயாரிப்பிலும் அடிக்கடி பயன்படுத்தப்படுகின்றது.
புரோபியோனிக் அமிலம் என்பது புரோபனோயிக் அமிலத்தின் பொதுவான பெயர். இது CH3CH2COOH என்ற மூலக்கூறு சூத்திரத்தில் மூன்று கார்பன் அணுக்களின் வழக்கமான சங்கிலியைக் கொண்டுள்ளது. ப்ரோபியோனிக் அமிலம் ஒரு துர்நாற்றம் மற்றும் சற்று விரும்பத்தகாத சுவையும் கொண்டது. இது இயற்கையாகவே அத்தியாவசிய எண்ணெயாக நிகழ்கின்றது.
மனித பெருங்குடலில், செரிக்கப்படாத கார்போஹைட்ரேட்டுகளை உடைக்கும் பாக்டீரியாக்களால் புரோபியோனிக் அமிலம் தயாரிக்கப்படுகின்றது,
பியூட்ரிக் அமிலம்: நான்கு கார்பன் அணுக்களைப் பின்பற்றுகின்றது. தற்செயலாக, இது முதல் "உண்மையான கொழுப்பு அமிலம்" என்று கருதப்படுகின்றது. பால் கொழுப்பிலிருந்து நீங்கள் அவற்றை நன்கு அறிந்திருக்கலாம். இது மற்றவற்றுடன், அதன் மிகவும் தீவிரமான புளிப்பு வாசனைக்காக இது அறியப்படுகின்றது.
ஏனெனில் நொதித்தல் செயல்முறைகளில் ஈடுபடும் பாக்டீரியாக்களால் பியூட்ரிக் அமிலம் உருவாகின்றது. பாலாடைக்கட்டி, சார்க்ராட் அல்லது பீர் போன்ற உணவுகளின் உற்பத்தியிலும் பியூட்ரிக் அமிலம் உற்பத்தி செய்யப்படுகின்றது.
வலேரிக் அமிலம்: மறுபுறம், ஐந்து கார்பன் அணுக்களைக் கொண்டுள்ளது. இந்த காரணத்திற்காக இது பென்டானோயிக் அமிலம் என்றும் அழைக்கப்படுகிறது, பென்டானோயிக் அமிலம் என்பது உண்மையில் ஒரே மூலக்கூறு சூத்திரத்தைக் கொண்ட அமிலங்களின் குழுவாகும்.
அத்தியாவசிய எண்ணெய்களில் ஒரு அங்கமாக, இந்த அமிலங்கள் கோகோ, வலேரியன் அமிலம் தேநீர், கொக்கோ அல்லது ஆப்பிள்களின் அத்தியாவசிய எண்ணெய்களின் ஒரு பகுதியாகும். குறிப்பாக பென்டானோயிக் அமிலங்களின் எஸ்டர்கள் உணவுத் தொழிலுக்கு சுவையூட்டும் பொருட்களாக முக்கியத்துவம் வாய்ந்தவை.
ஆறு குறுகிய சங்கிலி கொழுப்பு அமிலங்களில் மிக நீளமானது கேப்ரோயிக் அமிலம். இதன் வேதியியல் ரீதியாக சரியான பெயர் ஹெக்ஸானோயிக் அமிலமாகும்.
உதாரணமாக, பால் கொழுப்பில் ஒரு சிறிய அளவு கேப்ரோயிக் அமிலம் காணப்படுகின்றது. கூடுதலாக, வலேரிக் அமிலத்தைப் போலவே, இது பல அத்தியாவசிய எண்ணெய்களிலும் இந்த குறுகிய கொழுப்பு அமிலங்கள் காணப்படுகின்றது.
ஏன், குடல்-வாழ்-நல்ல பாக்டீரியாக்கள் நமது செரிமானத்திற்கு முக்கியமானவை: பார்கின்சோன்/நடுக்குவாதம், அல்சைமர்/ நிரந்தர மறதி மற்றும் மல்டிபிள் ஸ்களீரோசிஸ் (எம் எஸ்) போன்ற குணப்படுத்த முடியாத பல நோய்களுக்கு ஒரு தீர்வாக நமது குடல்-வாழ்-பாக்டீரியாக்கள் இருக்கின்றது.
குறுகிய கொழுப்பு அமிலங்கள் மற்றும் அதனை உற்பத்தி செய்யும் குடல்-வாழ்-நல்ல பாக்டீரியாக்களை கொண்டு இதுபோன்ற நோய்களுக்கு நிரந்தர தீர்வாக சிகிச்சை அளிக்கமுடியும்.
மல்டிபிள் ஸ்களீரோசிஸ் (எம் எஸ்) என்பது மத்திய நரம்பு மண்டலத்தின் நாள்பட்ட அழற்சி நோயாகும், இது பொதுவாக ஆரம்ப மற்றும் நடுத்தர இளமைப் பருவத்தில் நிகழ்கின்றது. அவை சுய-உடல்-தாக்கி நோய் (ஆட்டோ இம்யூன் நோய்) என்றும் குறிப்பிடப்படுகின்றன. இதன் பொருள் உடலில் சொந்த நோயெதிர்ப்பு அமைப்பு உடலுக்கு எதிராக இயக்கப்படுகின்றது.
குடல்-வாழ்-நல்ல பாக்டீரியாக்களின் அழிவு என்பது, உயர் இரத்த அழுத்தம், சர்க்கரை நோய் மட்டுமின்றி அலர்ஜி/ஒவ்வாமை, தோல் நோய்கள் மற்றும் ஆஸ்துமா போன்ற பல தீராத நோய்களுக்கு அடித்தள காரணியாக இருக்கின்றது.
எமது குடலில் வாழும் இந்த குடல்-வாழ்-நல்-பாக்டீரியாக்களின் ஆளுமையை கொண்டு, எங்களது குடலை மூன்று வகையாக பிரிக்கலாம். சிலருக்கு இதில் ஒரு வகை பாக்டீரியாக்கள் அதிகமாக பெருகியிருந்து ஆட்சி செய்யும், இதை வைத்துக்கொண்டு அவர்களின் எதிர்கால வாழ்க்கை, ஆரோக்கியம் பற்றி முன் கூட்டியே அறிந்து கொள்ள முடியும்.
இந்த மூன்றில் ஏதாவதொன்று தான் என்னுடைய அல்லது உங்களுடைய குடல் அமைப்பாக இருக்கும், எனக்கு மட்டுமல்ல, உலக மக்கள் அனைவருக்கும் இதில் ஏதாவது ஒன்று அமைய பெற்றிருக்கும் என்பது அதிசயமான ஒரு உண்மை .
இவைகளினால் நன்மையும் உண்டு அதிகம் பெருக்கமடைந்தால் தீமையும் உண்டு, சுருக்கமாக சொன்னால் 300 க்கும் மேற்பட்ட நோய்களுக்கு இந்த பக்டீரியாக்களின் அழிவு மற்றும் பெருக்கம் அடிப்படை காரணியாக இருக்கின்றது, அதில் சர்க்கரைநோய், புற்றுநோய் மற்றும் குடல்நோய்களும் அடங்கும் என்பது இங்கு குறிப்பிடத்தக்கது.
ஆரோக்கியமான ஒரு பாதையில் எதிர்கால சர்க்கரை நோய் மருத்துவம் வீறு நடை போட இந்த தகவல்கள் பெரும் பணி செய்யும் என்பதில் எந்த விதமான சந்தேகமும் இல்லை.
மனித குடல் அமைப்பை, தாய் வழி சுவடுகள் மூலம் கடத்தப்படும் சில வகை பாக்டீரியாக்களின் திரிபு அடிப்படையாக கொண்டு மூன்று வகை பிரிவுகளாக பிரிக்கப்படுகின்றது.
குடல் வகை 1: பாக்டீரியாரிட்ஸ் பாக்டீரியாக்கள் உணவுகளிலுள்ள கார்போஹைட்ரேட், (மாப்பொருள்) மிக விரைவாக சர்க்கரையாக உடைத்து, குளுக்கோசு சக்திக்கு காரணமானது.
இந்த பாக்டீரியாக்கள் பற்றிய சிறப்பு விஷயம் என்னவென்றால், இந்த வகை பாக்டீரியாக்கள் குடல் சளிச் சுவரில் கூட்டம் கூட்டமாக ஒட்டியிருந்து ஆதிக்கம் செலுத்தி, விரும்பத்தகாத நோய்களை உண்டுபண்ணக் கூடியது.
இந்த வகை பாக்டீரியாக்கள் மிக விரைவாக கார்போஹைட்ரேட், (மாப்பொருள்) சர்க்கரையாக உடைந்து குருதி சுற்றில் கலந்து குளுக்கோசு உயர்வுக்கு காரணமானது. இதனுடைய விளைவுகள் பெரும்தீனி, தொப்பை, சக்கரைநோய், உடல் பருமன் போன்ற நோய்களினால் அவதியுறுகின்றனர்கள் இந்த வகை குடல் அமைப்பை கொண்டவர்கள்.
மக்கள் தொகையில் சுமார் ஒரு சதவீதம் ஏற்படுகின்ற, இந்த வகை பாக்டீரியாக்கள் குடலில் இன்னும் அதிகமாக பெருக்கமடைந்தால் எளிய விஷயங்களை கூட இவர்களுக்கு சில நேரங்களில் கடினமான சவாலாக மாறும். நரம்பியல் மாறுபாடுகள், மன இறுக்கம் (ஆட்டிஸம்) மற்றும் கிரோன் நோய்களை தோற்றுவிக்கின்றது. (இந்த வகை பாக்டீரியாக்களின் பெருக்கம் விரும்பத்தகாத ஒன்று )
குடல் வகை 2: பிறிவட்ரெலா பாக்டீரியாக்கள் பல தரப்பட்ட விற்றமின் உற்பத்திக்கு பெரும் பங்காற்றுகின்றது, குறிப்பாக முன்னோடி விற்றமின் பீட்டா கரோட்டின் விற்றமின் - A மாற்றத்திற்கு காரணமானது,
இந்த வகை பாக்டீரியாக்கள் மிக அதிகமாக ஆழுமை செய்கின்ற படியால் இவர்களுக்கு நீரிழிவு மற்றும் குடல் எரிச்சல், அல்சர் நோய்கள் மேலோங்கியிருக்கும். இறைச்சி உண்கின்றவர்களை விட, சைவ உணவு உண்பவர்களுக்கே பிறிவட்ரெலா பாக்டீரியா திரிபு அதிகமாக இருக்கும், குடல் வகை ஒன்று பாக்டீரியாரிட்ஸ் பாக்டீரியாவை விட மிக அதிகமாக உடல் பருமனுக்கு வழிவகுக்கும். (இந்த வகை பாக்டீரியாக்களின் பெருக்கம் விரும்பத்தகாத ஒன்று)
குடல் வகை 3: றூமினிகொக்கூஸ் பாக்டீரியாக்கள் உணவுகளிலிருந்து நார் சத்தை பிரித்தெடுக்க உதவுகின்றது மற்றும் செரிமானம் அடையாமல் பெருங்குடலுக்கு தள்ளி விடப்பட்ட கழிவு நார் சத்து உணவுகளிலிருந்து மேலதிகமான சர்க்கரையை பிளக்கும் தன்மையும் கொண்டது. அதை உணவாகவும் எடுத்துக்கொள்கின்றது இதனால் சர்க்கரை சமநிலை படுகின்றது மற்றும் பல நோய்களுக்கு அருமருந்தான குறுகிய இணைப்பை கொண்ட புரோபனோயிக் அமிலத்தையும் உற்பத்தி செய்கின்றது.
சாராம்சம்: எல்லா வகை பாக்டீரியாக்களும் எங்களுக்கு நன்மை செய்யும் என்று கிடையாது. அதனுடைய அழிவு மற்றும் பெருக்கம் சில நோய்களுக்கு தீர்வாகவும் சில நோய்களுக்கு காரணியாகவும் அமைகின்றது. குடல் வகை 3, றூமினிகொக்கூஸ் பாக்டீரியாக்களின் ஆதிக்கம் உள்ளவர்களுக்கு சர்க்கரை நோய் வராது.
கருத்துகள் இல்லை:
கருத்துரையிடுக